Caradog Prichard yn sgwrsio â John Ogwen

Dros yr wythnosau diwetha, dwi wedi bod yn chwilio am ddeunydd o’r Archif i fynd ar y sgrin yn arddangosfa Awduron Cymru. Eleni, bydd yr arddangosfa’n canolbwyntio ar waith Brenda Chamberlain a Caradog Prichard.

Mae’r gwaith wedi bod yn ddiddorol, a dwi wedi dysgu llawer am fywyd a gwaith y ddau wrth ymchwilio i’r deunydd sydd yma.

Un o’r rhaglenni mwya’ diddordol ‘nes i ffindio oedd rhaglen o’r enw ‘Hogyn Jack Bach Mangl’. Rhaglen ddogfen ar fywyd a gwaith Caradog Prichard ydy hon, a gafodd ei ddarlledu ar S4C ar y 23ain o Ragfyr 1991. Mae sawl clip archif diddorol yn y rhaglen, gan gynnwys Caradog yn ymweld â’i ardal enedigol, a fo a Mati, ei wraig yn eu cartef yn Llundain. Mae un clip difyr iawn o’r ddau yn trafod gwleidyddiaeth…!

Bydd y clipiau yma i’w gweld yn arddangosfa Awduron Cymru, sy’n agor yn y Llyfrgell o fewn yr wythnosau nesa’.