Ers ddechrau’r haf mae nifer o ddigwyddiadau a dangosiadau wedi eu cynnal yn y Drwm.  Rhywbeth bach at ddant pawb!  Roedd nifer o’r digwyddiadau yma yn rhai poblogaidd iawn, gyda’r tocynnau i gyd wedi mynd.  Wrth lwc, mae ein criw technegol yn recordio’r digwyddiadau yma, er cof a chadw, ac maent yn cael eu storio yn yr Archif.

Os hoffech weld unrhyw un o’r recordiadau yma, gallwch bori ein catalog ar-lein a gwneud cais amdanynt, gan ddod i’r Archif i’w gwylio.  Cofiwch bod angen 24 awr o rybudd arnom, a bod yr Archif ar agor rhwng 9.30 a 5.00 o ddydd Llun i ddydd Gwener.

Dyma rai eitemau sydd yn ein casgliad:

• ‘An evening with Rory Cellan-Jones’ – gohebydd Technegol y BBC yn trafod ei waith

• ‘Family History Research in the South Wales Coalfields’ – Elisabeth Bennett a Sian Williams

• Sêr Ceredigion – Cyngerdd rhai a fu’n cystadlu yn Eisteddfod Genedlaethol yr Urdd eleni

• ‘Lloyd George – the Great Outsider’ – Y Gwir Anrhydeddus Yr Arglwydd Hattersley yn sôn am ei gyfrol ddiweddaraf

Dwi wedi bod yn gweithio yn yr Archif Sgrin a Sain a’r Adran Casgliad Sain a Delweddau Symudol a Clyweled ers Hydref 1994.

Mae’r broses o gasglu eitemau clyweledol Cymraeg/Cymreig yn medru bod yn gymysgedd o archebu eitemau adnabyddus a serendipity a chysylltiadau ymylol.

Yn y bythefnos diwethaf dwi wedi bod yn casglu aritistiad “diddorol a tan yr wyneb” nad oeddwn yn gwybod amdanynt. Dechreuodd y cyfan gyda neges ar y safle we Myspace yn dweud wrthaf am albwm newydd Bruce Anderson o’r enw Unity. Prynais yr albwm a’i gatalogio, yn y broses yma chwiliais am wybodaeth am y cantorion eraill ar y CD. Gan ddefnyddio Google, Myspace a chysylltiaidau Archifau eraill fe welais i fod y cantorion yma (Maria Lyn, Eve Sherratt, Claire Simone) i gyd yn Gymry ac wedi cyhoeddi cerddoriaeth eu hunain.

Roedd chwilio am y deunydd yma yn gyffrous iawn, sef y broses o ddod o hyd i gyhoeddiadau cerddorol Cymru ac ar lefel personol yn cynyddu fy wybodaeth cerddoriaeth ymhellach. Mae’r artisitiad yma yn canu caneuon enwog West End/Broadway. Jazz a caneuon serch pobologaidd.

Dydy’r artistiaid yma ddim mor enwog a rhai o’r artistiaid/enwogion rhyngwladol, ond mae dda gennyf ddweud fod yna lle iddynt yma yn y casgliad cerddoriaeth yr Archif Sgrin a Sain.