Nos Wener, byddwn yn croesawu Dr Rhian Davies, Cyfarwyddwr Artistig Gwyl Gregynog a’r pianydd gwych, Simon Crawford-Phillips i’r Drwm. Byddant yn cyflwyno noson i ddathlu cerddoriaeth a bywyd un o’r cerddorion mwyaf llwyddiannus y byd a gynhyrchwyd erioed gan Gymru, ond eto un o’r rhai lleiaf adnabyddus, sef y cyfansoddwr-pianydd dall, Alec Templeton (1909-63).

Er i Alec Templeton gael ei enw ger Caerdydd, symudodd i America yn ystod y 1930au, a daeth yn adnabyddus fel perfformiwr, a mewn dim, roedd yn cyflwyno rhaglen ei hun, It’s Alec Templeton Time! a daeth yn enw cyfarwydd yn America. Yn ddiweddarach yn ei fywyd, ehangodd ei yrfa i gyfansoddi ar gyfer Broadway a’r diwydiant ffilmac fe’i anrhydeddwyd â seren ar y Walk of Fame yn Hollywood.

Bydd y stori yn cael ei adrodd gan Rhian Davies, a bydd yn cynnwys enghreifftiau o gyfansoddiadau clasurol, jazz a blues Alec Templeton a’r rhein wedi’u chwarae’n fyw gan Simon Crawford-Phillips, yn ogystal â recordiadau archif o berfformiadau Alec Templeton ei hun.

Rydym bellach wedi derbyn rhai o recordiadau Templeton a ffilmiau ohono, ac fe gaiff rhai ohonynt eu hymgorffori yn y perfformiad hwn.

Mae tocynnau ar gael am £7 o Siop y Llyfrgell neu trwy alw 01970 632 548.

Un o’r pethau gorau a mwyaf pleserus  yr ydym fel Archif yn ei wneud yn lled aml yw mynd allan i ganol cymunedau Cymru i roi cyfle iddyn nhw wylio eitemau o’n casgliadau. Y mae hefyd yn un o elfennau pwysicaf ein gwaith. A neithiwr bu dau ohonom i fyny yn y Groeslon yn Arfon yn dangos arlwy o ffilmiau ag iddi flas lleol a chwarelyddol.  Eilydd munud ola’ oeddwn i gan fod fy nghydweithwraig wedi gorfod camu i’r adwy a pherfformio mewn pantomeim – fy ngobaith i oedd na fyddai fy ngyrru i yno yn ei lle yn arwain at rywbeth tebyg!

Doedd dim rhaid poeni. Fe gawsom groeso arbennig gan y bobl leol yn eu neuadd hyfryd sydd mor bwysig ym mywyd y gymuned. Braf oedd cael chwarae rhan fach yn y bywyd hwnnw.  A braf hefyd oedd gweld cynulleidfa o ryw 130 o bobl yn gwerthfawrogi a mwynhau’r cyfan.

Bore dydd Gwener, yr oeddwn i mewn stad – mwy nag arfer! Cefais wahoddiad i rhoi cyflwyniad agoriadol i gynhadledd o fyfyrwyr sydd yn astudio cerddoriaeth yn sawl prifysgol o amgylch Cymru

Dwi’n cyfaddef fy mod yn hyderus yn siarad efo grwp o bobol mewn achosion answyddogol neu gweiddi o ben llwyfan pan dwi’n rheoli llwyfan – ond roedd hyn yn hollol wahanol.

Sut aeth hi – dwi’n clywed y cwestiwn – gyda’r myfyrwyr yn troi yfynny yn hwyr, y dvd ddim yn gweithio ar y pryd – aeth yn weddol. Ddim rhy ddrwg am tro cyntaf – pethau i ddysgu, pethau i feddwl amdano.

Ers fy mlog diwethaf – dechrau 2011, dwi wedi cael triniaeth mawr ar fy nghefn – Lumbar Laminectomy ac yr oeddwn ffwrdd o gwaith o ddiwedd Gorffennaf 2011 – tan Tachwedd 2011. Diolch byth, aeth popeth yn iawn – ac dwi’n teimlo’n gret

Fel diwedd pob blwyddyn arianol, mae hi’n brysur iawn wrth i mi wneud archebion, danfon yr archebion ac yn wneud yn siwr for y masnachwyr yn danfon yr cyhoeddiadau ffilm a cerddoriaeth cyn diwedd Mawrth.

Hefyd i cadw mi yn brysur – ar ddechrau mis Chwefror, fe ymwelodd Mike Winson a Gruff Harries, o’r orsaf radio – Sain Abertawe a’r archif. Fe wnaethom rhoi tua 230 o cyfweliadau a ddarlledwyd ar Sain Abertawe yn yr 1980au.

Mae’r casgliad yn cynnwys Cymry ac enwogion Prydeinig a oedd yn ymweld Abertawe yn perfformio mewn cynhyrchiadau llwyfan.